Laborategietatik at

Erabiltzailearen aurpegia Ugo Mayor 2024ko urt. 19a, 14:01

Gure egunerokoa: gai baten inguruko ezagutza aztertu, hipotesi bat sortu, diseinu esperimentala definitu, laginketa (datu bilketa) dimentsionatu, kontrol esperimentalak egokitu, ebidentziak jaso, datuen azterketa aurreiritzirik gabe burutu, ondorioak atera. Errealitatea hobe ulertzeko.

Eta ikerketan erabiltzen ditugun tresnak beste eremu batzuetara eramango bagenitu? Politikara, adibidez? Gizarte gisa erronka txiki eta handiei egin behar diegu aurre, eta batzuetan errealitatea oso konplexua da. Baina ebidentziei muzin egin eta erabakiak modu arbitrarioan hartzeak ez digu inolaz lagunduko.

Zer-nolako kultura politikoa behar dugu honetarako? Lehenik, gardentasuna. Politika publikoak hartu behar direnean, dagoen informazio osoa publikoa izan behar da. Bigarrenik, gobernantza parte-hartzailea. Erabakiak hartu aurretik, komunitatearen ahots eta bizipenak jaso behar dira. Hirugarrenik, metodo zientifikoa erabiltzen duena. Hartzen diren erabakiak ebidentzietan, argudio eta arrazoietan oinarritu behar dira. Laugarrenik, eta lehenera buelta, komunikazio gardena. Politika publikoek oinarri izan dituzten ebidentzia eta arrazoiak ondo azaldu behar dira. Hartzen diren erabakiak komunitate osoaren onurarako eragin dezaten.

Bidali zure iritzi artikuluak hiruka@hiruka.eus helbide elektronikora

HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun