Begiak itxi eta irudikatu Euskal Herria Bilgune Feministarik gabe. Algortara etorrita, pentsatu une batez aspalditik, txiri-txiri, orduak eta orduak, gauzak antolatu, gogoetak egin, euskara, askotariko feminismoak, zaintza-sistema zelan irauli, denon bizitzak erdigunera zelan ekarri, antiarrazismoa, antifaxismoa, antikapitalismoa, autodefentsa eta erasoen kudeaketa, lurraren defentsa uztartuz, beste eragile batzuekin dinamikak, mobilizazioak, aliantzak, jaiak, txosnak, jardunaldiak, kale-jarduerak bideratzen gorputza jartzen dugunongan. Gurari Etxea ireki arte urte luzez borrokatu eta ireki eta oraindik hor tinko eusteko prest gaudenongan.
Erabateko eskuzabaltasunez entzuteko eta erantzuteko prest aurkitzen gaituzue beti. Hori guztia egiteko, ordea, giharra, egitura nazionala, xumea bada ere, behar dugu, pil-pilean dauden gaiak ondo jorratzeko, eta etsipenari atea elkarrekin ixtea errazagoa delako.
Hartara, gure jarduna aurrerantzean ere egingarria eta iraunkorra izango bada, bidelagunak behar ditugu gurekin besoz beso, gutxi-asko, aritzeko edota hilero/urtero diru-ekarpenen bat, txiki-handia, eginez Bilgune Feminista sostengatzeko. Ez da plan txarra, ezta?
Bidali zure iritzi artikuluak hiruka@hiruka.eus helbide elektronikora
HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
