Trabudu dantza-taldearen historia aurrera darrai

Erabiltzailearen aurpegia

Zazpi egun pasa badira ere, Astrabuduan eta Erandio osoan oraindik sentitzen dira pasa den asteburuko txistu hotsak, dantzari eta publikoen irrintzi eta txaloak. Trabudu dantza taldeak berriz ere aho bete hortz utzi gintuen bere indarra eta kemenarekin.

Belaunaldi desberdineko dantzari eta txistulari elkartuta asteburu gozo bezain hunkigarria gozatzeko aukera izan genuen. Urrun bizitzera joandako aspaldiko lagunekin topo egiteko aukera aparta izan zen eta iraganera salto egiteko bi egun zoragarri bizi izan genituen ezpata, makil eta uztaien artean. 40 urte dituen dantza talde hau Astrabudua auzoko bihotza eta hauspoa da, dantzari eta musikari pilaren topagunea delarik. Pasaden larunbateko dantzarien erakustaldiaren ondoren euskal ezkontza batekin borobildu zuten domekan. Halere, herri bazkarian 400 lagunetik gora bazkaldu genuen elkarrekin. Hau da marka!! Omenaldia ondo merezita, bai. Hala ere, nere iritzi apalean bada garaia Trabudu Dantza Taldea bizirik mantentzeko errudunei benetako omenaldia emoteko. Zorionak Trabudu eta urte askotarako!!!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun