Patioko lurra egoera tamalgarrian dago. Hezetasuna pilatzen da eta alde batzuk lizuna daukate. Bustita egoten da euria egin ez arren. Horrez gainera, lurrak etengabe askatzen dituen harriak jaten dituzte umeek eta, hori gutxi balitz, zauritu egiten dira oinetan. Erandioko Udaleko Hezkuntza zinegotzia den Mikel Filgueirasek arazoen berri dauka. Zinegotziak berak irailean egoera konpontzeko konpromisoa hartu zuen, baina uztailean gaude eta egoerak berdin segitzen du. Oso haserre gaude geure udaleko kudeatzaileen arduragabekeria behin eta berriro ikusten dugulako, gure seme-alaben segurtasuna arriskuan ipiniz. Horregatik, Mikel Filgueiras Hezkuntza zinegotziagaz ahalik eta lasterren batzea eskatzen dugu, Astrabuduko haur-eskolako langileakaz batera, egoera hau konpontzeko. Laster arte.
Manu Iglesias eta Jorge Martin (Astrabuduko haur-eskolako aitak).
Astrabuduan, 2018ko uztailaren 13an.
