Iritzia 2018-07-30 10:08

Josu Murueta negarrez

Erabiltzailearen aurpegia Yortx Martin

Astrabuduako Josu Murueta plazako egoera salatu nahi dugu. Izan ere, Josu Murueta plaza gure auzoko erdigune eta alderik erabiliena da eta hala izanda lotsagarria da Erandioko udaletik hain egoera tristean mantentzea.

Ematen du Josu Murueta plaza negarrez ari dela: barandak herdoilduta, hormak eta eskailerak zikin baino zikinago eta hainbat tokitan apurketak eskaileretan. Benetan egoera negargarria. Esan beharrik ez dago umeen topagune nagusi bat dela hauxe eta egunero ikusten dugun egoera tamalgarri honetara ohitzeko gu behintzat ez gaude prest. Bada garaia Erandioko Udalak Josu Murueta plazak merezi duen tratua emateko eta ez behin-behineko konponketak. Aurten San Lorentzo jaietako txupina botatzea han bertan, plaza desitxuratu honetan, negargura sortzeko moduko argazki bat izango da. “Anton eta Josu, hauxe da egin ahal dizuegun omenaldirik sakonena: zuen senide, herrikide eta lagunak duintasun osoz bizitzeko moduko Erandio garbia eta bizigarria gure konpromisoa” honelaxe dio udalak aspaldi jarritako plaka zikin batek. Erandioko udal arduradunei, bete ezazue zuen konpromisoa. Agur.

David Sanchez eta Jorge Martín Luque

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa