Amatxu mia!!! Zer gertatu da hemen? Hori pentsatu nuen "Mamma Mia- La isla de los sueños" musikala ikusi nuenean Erandioko Merkatu Zaharrean duela bi aste..Zein ondo pasa genuen, zenbat barre, hunkitu ere, geure lobak eta gainontzeko Astrabuduako gazteak eskeini ziguten musikalarekin. Mundialak dira!!!
Baina montaje hau ez zen atzo hasi. Astrabuduako guraso talde honek haien seme-alabekin batera ilusio eta gogo handiekin "Annie" musikala aurkeztu ziguten. ostean "El Mago de Oz" eta gaur egun "Mamma Mia" eskaintzen digute.
Oraingo musikala bi aldiz ikusteko aukera izan dut eta kontuan hartuta faktore inportante batzuk itzela da lortu duten emaitza. Alde batetik, partaide guztiak Astrabudutarrak dira eta amateurrak, harrigarria bada ere taula gainean ikusten den guztia gogo eta ilusio askoren emaitza da, inolako formazio espezifiko gabe.
Bestaldetik, Gazte Unamaz Elkarteak lortutako dirua giza ekimenerako bideratzen dute, mundua aldatzeko eta horregatik ekimen honek duen balioa biderkatzen da.
Bukatzeko, antzezpen hau inspiratzailea izan daiteke gazteriarentzat ateratzeko barruan duten izarra eta halaber, ahaleginaren kultura zabaltzen da lau haizetara, lortutako emaitza esfortzu handi baten emaitza delako. Musikal honek transmititzen duen indarra eta baloreak behar-beharrezkoak dira, gaur egungo gizartean. Lan talde oso potentea daukate dena behar bezala ateratzeko eta parte hartzen duten gazteek kriston experientzia eramango dute haien bizitza osorako.
Erandioko emanaldiak egin ondoren, laster agian Santurtzin gazte hauen artea gozatzeko aukera izan daitezke. Baina Gazte Unamaz Elkarteak jarraitzen du udalerri gehiagokin harremanetan jartzen "Mamma Mia- La isla de los sueños" antzezteko ahal den tokietan.
Amatxu Mia, aho bete hortz, zur eta lur geratu nintzen, ginen. Uau.....ikaragarria izan zen!!!. Horregatik, emanaldiak bilatzen jarraitzen dute jende gehiago Gizarte Gazte Unamaz talde jator honen arteaz gozatzeko, aluzinatuko duzue.
Biba zuek! Aupa Astrabu! Zorionak!