Hilabetea amaitu artean, beste hitzordu bat eskainiko du Udal Euskara Zerbitzuak antolatutako ekimenak. Batetik, “munduko menua” egiteko aukera izango dute neska-mutilek, hilaren 23ko sukaldaritza tailerrean. Bestalde, 30ean munduko dantzak egongo dira. Biak ala biak 17:30ean izango dira, Barandiaran institutuko patioan. Otsailari dagokionez, hurrenez hurren, plastilina tailerra, buruhandiak egitekoak eta aniztasunaren bingoa egongo dira 6an, 20an eta 27an.
Leioako Udalaren Euskara Zerbitzuak martxan jarritako programa honen helburua da haurrek eta familiek euskara erabiltzea herriko plazetan eta kaleetan, eta horretarako apiriletik ekainera jarduera bereziak egingo dira euskarazko harreman sareak zabaltzeko eta euskara erabiltzeko guneak eta aukerak sortzeko.