Leioako Udalaren Kirol eta Kultura Sailak urtero ematen dituen diru-laguntzak esleitzeko deialdia zabaldu du jada. Interesatuta dauden elkarteek haien eskabidea Kultur Leioan edo Sakoneta kiroldegian aurkeztu beharko dute, martxoaren 16a da azken eguna. Diru-laguntzen eta eskaera orria udal webgunean jarri dituzte.
Deialdiaren helburua da udalerriko elkarteek egiten dituzten kultura, kirol eta aisialdi arloko jardueretarako ohiko diru-laguntzak ezartzea. Deialdian sar daitezke 2015ean zehar egindako proiektuak. Kultura eta aisialdian 22.642,66 banatuko ditu Udalak, eta kiroletan, 67.231,80 euro.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!