Umore Azokaren antolatzaileek tantaka eman ohi dituzte edizio berrien nondik norakoak. Oraingo honetan kartela eman dute ezagutzera. Hala, "hipster" erara, bizarra eta pasta-betaurrekoak jantzi ditu kaleko artisten Leioako azokak, bere 16. edizioan, “kaleko arteekin duen konpromiso eta hurbiltasuna erakutsi” guran. Antolatzaileen arabera, “nagusi diren joeretatik aldenduz, Umore Azokak nortasuna erakusten du, berezko nortasuna, bere aurtengo programazioa ixtear dagoen une honetan”.
Leioako Umore Azokak bizarra eta pasta-betaurrekoak jantzi ditu
Umore Azokaren arduradunek jakinarazi dutenez, aurtengo edizioan parte hartzeko 410 eskaera jaso dira: 42 EAEtik, 235 beste autonomia erkidego batzuetatik, eta 135 gehiago beste 20 herrialde desberdinetatik. Aipatutako antzezlan guztietatik 74 estreinaldi-proposamenak dira. Leioan, maiatzaren 21etik 24ra kaleak hartuko dituzten antzerki taldeen izenak laster ezagutaraziko dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun