Domekara arte iraungo du Kultur Maratilak

Iker Rincon Moreno 2015ko ots. 27a, 16:00
Deskargatu Info Ahotsak :
Español English Français Català Galego

Astelehenean egin zuten aurtengo Kultur Maratilaren aurkezpena. © Leioako Udala.

ATX Tea­­troak "Arren ganbara emeen sotoa" antzezlana eskainiz abiatu zuen atzo aurtengo Kultur Maratila. Gaur, ostera, "Amodioaren ziega" taularatuko du Lauka antzerki-taldeak. Zapatura helduta, bikoitza i­­zan­go da eskaintza: batetik, "Zer duzu Amy?" antzezlana ikusgai egongo da Oh my God! taldearekin; eta, bestetik, "Gosariak" izeneko musika-kontzertua eskainiko du Gosek. Amaitzeko, do­me­kan, "Jokoz kanpo" antzezlanaz gozatzeko aukera izango da, Borobil antzerki-konpainiari esker. Daborduko salgai daude 6 eta 10 euro arteko sarrerak, Kultur Leioako leihatilan, eta, sarean, Kutxabankeko webgunean. Zapatuko emanaldi bie­ta­rako 12 euroko bonu berezia atera dute. Eta ziklo osoa osatzen duten bost proposamenak ikusteko ere 30 euroko bonua eros daiteke, nahi izanez gero. Bestalde, emanaldi guztietarako sarrerak dauzka zozketan HIRUKAk.

Leioako Udalak, Artedramak eta Kultur Leioak elkarlanean sortutako aste kulturala da Kultur Maratila.

Hurrengo saioak:

Otsailak 27, barikua

20:30 Lauka Teatroaren "Amodiozko ziega" antzezlana Sarrera: 8 euro

Otsailak 28, zapatua

20:00 Oh my God! taldearen "Zer duzu Amy?" antzezlana Sarrera: 6 euro

22:00 Gose taldearen "Gosariak" kontzertua Sarrera: 10 euro

Maiatzak 1, domeka

19:00 Borobil taldearen "Jokoz kanpo" antzezlana Sarrera: 10 euro

Zapatuko emanaldi bietarako 12 euroko bonu berezia atera dute. Eta ziklo osoa osatzen duten bost proposamenak ikusteko ere 30 euroko bonua eros daiteke.

Kultura Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun