Gure Esku Dago herri-ekimenak "Jostunak; herritarren borondateak jositako istorio bat" dokumentala ikusteko aukera emango du bariku honetan, otsailak 27, Leioan. Proiekzioa 19:30ean izango da Errekalde plazako nagusien etxean, sarrera doan.
Batetik, Durango eta Iruñea arteko ekaineko giza katearen eta Gure Esku Dagoren sustraitze-prozesua kontatzen du ikus-entzunezkoak; “hedabideetan agertzen ez den kronika”: nola abiatu ziren lehen batzordeak, lehen asmoak... Bestetik, “erreferentzia” diren hainbat lagunen adierazpenak jasotzen ditu. “Erabakitzeko eskubidearen inguruko korapilo nagusiak askatzeko ahalegina” da, GEDren arabera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!