Martinezen berbetan, “Patxi Lopezek zuzendutako Eusko Jaurlaritzak baino ez zuen garraio-azpiegitura hori garatzeko benetako interesa erakutsi”, kotxetegiak altxatzea ahalbidetuz. “Urkullu Ajuria Eneara heldu denetik, ostera, ez dute adreilurik jarri”, PSEkoak gaineratu duenez. Campusera bitartean, 3,8 kilometroko ibilbidea eta 9 geltoki eraikitzea aurreikusita zegoen. Aurrekontua 30 milioi euro ingurukoa zen.
Campuserako tranbia eraikitzeko “gaitasun eta interes falta” leporatu dizkio PSE-EEk Udalari
Eusko Jaurlaritzak orain gutxi baieztatu du Metroa eta campusa lotu behar zituen tranbiaren proiektuak geldirik jarraituko duela. Lakuatik adierazi dutenez, aurrekonturik eta garapen teknikorik ez dago. Lamiakoko kotxetegiak eraikitzeko lanak 2012an amaitu ziren, 4,2 milioi euro inbertitu ostean, eta ordutik ez dute besterik egin. Hala, Leioako PSE-EEk aipatutako egitasmoa bultzatzeko “gaitasun eza eta interes falta” izatea egotzi dio EAJ eta Ezker Batuaren Udal Gobernuari. Juan Carlos Martinez alkategai sozialistaren arabera, tranbiak jartzea “berebiziko garrantzia” dauka udalerriko erdigunetik urrunago dauden auzoetako batzuk komunikatzeko, eta Leioa eta Erandioko campusa metroarekin lotzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun