Zapatukoa falta zaizkien lau partidetako lehenengoa izango da eta, beraz, helburuak bete ezean Jon Lopezek entrenatzen dituen emakumeek oraindino erreakzionatzeko denbora izango lukete. Kontran, partida irabaztekotan, behin-betiko ziurtatuko lukete lehenengo mailan jarraitzea, bosgarren urtez jarraian. Horixe izan dute denboraldi hasieratik helburu nagusia. Arerioek, berriz, gogoz helduta dute azkeneko postua. Halere, denboraldiaren azken asteotan emaitza onak biltzen hasi da. Gainera, joaneko partidan estu eta larri utzi zuten Badiako katalanek Leioako emakumeak, nahiz eta azkenean euskal herritarrek tanto batez irabazi.
Leioa Waterpolo Bartzelonara doa, maila mantentzera
Etzi, zapatuan, Leioako WLB waterpolo taldeak Bartzelonako Badia del Valles udalerrira joko du. Bertan, CN Badia taldeko igeritoki zailean murgildu beharko da emakume leioaztarren lehenengo taldea. 19:45etik aurrera, kategoriatik ez jaisteko eta lehenengo mailan gelditzeko behar dituzten hiru puntuak biltzeko asmoz, hamaikak eta bi egin beharko dituzte uribekostarrek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun