Mintegiak 180 metro koadroko azalera dauka, eta gune hauek: udal bulego teknikoa, bost modulu eta erabilera anitzeko gela. Moduluetako bat partekatzeko eskaintzen da, eta, gehienez, 4 lanpostutarako lekua dauka. Mintegiko egonaldia bi urtekoa izango da, erosteko aukerarik ematen ez duen alokairu-araubidean, eta urtebetez luza daiteke prestakuntza-beharrengatik edo negozioaren arrakastarako aurreikusten bada.
Leioako Behargintzak udaleko enpresa-mintegian sartzeko aukera emango die espazioa behar duten proiektu berriei. Enpresa-mintegia Ibaiondo plazako 1. zenbakian dago, 107. bulegoan. Eskabideak aurkezteko epea martxoaren 17ra arte egongo da zabalik. Proiektuek daukaten ikuspegi berritzailearen arabera balioetsiko dira, baina, dena den, beste faktore batzuk ere kontuan izango dira, Behargintzakoek azaldu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun