Battit eta Luzia bi auzokide arrunt dira. Haien arteko harremanak baketsuak izan litezke, bakoitzaren ohiturek eta borrokaldi txikiek bestea serioski nardatuko ez balute. Tentsioa handitzen joango da, giroa gero eta okerrago...Baina horra non ustekabeko gertakari batek elkar laguntzera behartuko dituen. Dantza eta antzerkia uztartzen dituen obra honek Claude Broujonek idatzitako “La Brouille” liburua libreki hartu du inspirazio iturburutzat. Honen tratamendua, pixka bat aldaratua, trufa eta umorez josia egongo da. Keinu hizkuntza ardatz izanda, gorputza izango da emozioak eta pertsonaien egoerak islatzeko bide nagusiena, eszenografia minimalista baten barnean.
Traversee konpainiaren "Auzokoak" ikuskizuna bihar Leioan
Domeka honetan, martxoak 29, Traversee konpainia euskaldunak dantza eta antzerkia uztartzen dituen "Auzokoak" ikuskizuna eskainiko du Kultur Leioan, 18:00etan. Euskaraz egindako lana da eta 4 urtetik gorako umeentzat eta euren familientzat zuzendua dago. Sarrera 5 eurotan egongo da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun