Bihar, eguenean, Jesus Estrella Getxoko Litoral taldeko kide eta tuntux bidezko itsas arrantzan 2012ko Espainiako txapeldunak berbaldia emango du, "Pesca en mar: cebos, formas de extraerlos" bideoz lagunduta. Hitzaldi hori ere Sakoneta kiroldegiko ikus-entzunezko aretoan emango dute, 19:30ean.
Barikuan, toki eta ordu berean, Jon Iñaki Arrieta eta Roberto Extremiana arrantzaleek "Pesca en rio: pesca a duos, grandes truchas" izeneko filmaren inguruan solasean jardungo dute, Argentinan eta Txilen izandako esperientziak azaltzeko.
Zapatuan, goizeko 11:00etan, arrantzarako euli eta aparejuak prestatzeko tailer praktikoa eskainiko dute Leioako Elexalde errotan. Arrantza Asteari behar bezalako amaiera emateko, domekan irteera antolatu dute txikienentzako Kanpetzuko (Araba) lakura. Autobusa Sakonetatik irtengo da goizeko 8:30ean. Aurretik Zazpi tabernan edo elkartean bertan izena eman beharra dago.