Leioako Pop-rock Sariek finalistak dauzkate

Erabiltzailearen aurpegia Hiruka 2015eko maiatzaren 15a

Aterpe Leioa Gazteguneak ezagutzera eman ditu bertako pop-rock lehiaketaren finalisten izenak. Metal modalitatean, The Descent (Bilbo) eta Bullets of Misery (Gernika) izan dira finalerako izendatutako bandak. Pop-rock kategorian, ostera, Mr.Perdigans (Ciudad Real) eta Atikus Finch (Iruña)  taldeak igaro dira finalera. Halaber, Euskarazko abestirik onena goiburuko sari bereziaren 600 euroak Hartzak Blues Band (Balmaseda) irabazi ditu, Amorrua dastatzen kantarekin. Leioako Udalaren sariari (beste 600 euro) dagokionez, Guda Dantza taldeak jaso du, lehiaketara aurkeztutako talde leioaztarrik onena izendatuta. 

Finalistez gainera, sari bereziak jaso dituzten taldeak edukiko dute San Juan jaietan jotzeko aukera. Sariak berbagai, metal saileko irabazleak 1.200 euro jasoko ditu, pop-rock kategoriako bandarik onenaren antzera. Lehiaketako talderik onenak, ostera, beste 400 euro jasoko ditu.

Aterpe Leioak argitu duenez, 57 talde aurkeztu dira Leioako Pop-rock Lehiaketaren 15. ediziora: 41 pop-rock eta 16 metal talde, hurrenez hurren.  Jatorriari dagokionez, hiru leioaztarrak ziren, 37 Euskal Herrikoak eta 17 beste jatorri batzuetakoak.

Kultura Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun