Hortaz, kanariarrek berdindu edo galduko balute, hurrenez hurren berdinketa edo galera ospatu lezakete Sarrienakoek Getafen, kategoriari eutsiko bailiokete. Izan ere, leioaztarrak 15. daude sailkapen taulan 45 puntugaz, kanariarrek baino puntu bat gehiagogaz. Halere, kanariarrek euren alde dute batez besteko golen emaitza. David Movillak ezin izango ditu zelairatu Julio Montero eta Ander Larruzea eta beste jokalari guztiak eroan ditu Madrilera. Bertan egingo du arauek behartzen duten 16 futbolariren zerrendarako aukeraketa. Leioak Getaferako autobusa antolatu die zaleei.
Denboraldiko helburua matematikoki betetzeaz hiru puntura dago Leioa, azken partidaren faltan. Gaur, arrastiko 17:00etatik aurrera, David Movillaren mutilek Getafe B taldearen aurka ebatziko dute: Bigarren B Mailan jarraituko duten ala jaisteko play-offen errusiar erruletan sartuko diren. Urdin-gorriei garaipenak besterik ez die balio izango Madrilgo lurretan; beren kabuz bakarrik eutsi gura badiote, behintzat. Bestela, Las Palmas Atleticok ordu berean Donostian Realaren aurka egiten duena berdindu beharko dute leioaztarrek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun