Arrastiko 6etako txupinazoagaz eta horren osteko koadrilen jaitsieragaz emango diete hasiera bariku honetan, ekainak 5, Txorierri auzoko jaiei. Hiru egunez, jarduera ugariz gozatzeko aukera edukiko dute haur eta helduek.
Berbarako, zapatu eta domekan lehiaketa sorta handia izango dute aukeran Txorierrira hurbildutakoek: tortilla, igel-toka, boloak, txapel jaurtiketa eta gozogintza, besteak beste. Bitartean, koadrilek jolasak (zaku-lasterketa, sokatira...) eta krono-igoera edukiko dituzte. Herri bazkaria ere egingo dute domekan. Txorierriko jaiak Bifor Jai-batzordeak antolatu ohi ditu, Leioako Udalaren laguntzagaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!