Horrela, eraso sexisten aurkako kanpaina hedatu gura dute. Halaber, ikono bat sortu da partekatu ahal izateko. Herritarrak irudi hori inprimatzera animatu gura ditu Udalak, edozein lekutan ikusgai jar dezaten jaiek irauten duten bitartean: leihoak, dendak, lokalak, lonjak, txosnak, tabernak…
Halaber, udalerri osoko hiri-altzarietan 25 kartel jarri dira jaietako genero indarkeriaren aurkako hiri-kontzientzia kaleetan ikusarazte aldera. Kartel horiek uda osoan egongo dira jarrita, auzoetako jai denetara ere eraso sexualen aurkako mezua eramateko asmoz. "Leioako Udalaren konpromisoa da jarrera ilunak baztertzea gizarte osasuntsua eraikitzeko, berdintasunean hezia, emakumeek askatasun osoz parte har dezaten jaietan", azaldu dutenez.
Eraso sexisten kontrako kanpaina abiatu dute Leioako San Juan jaietan
Leioako Udalak abian jarri du jaietan gerta litezkeen eraso sexisten aurkako kanpaina. Berdintasun Sailak errespetu eta berdintasunezko tratuaren balioen kontzientziatzean sakontzen jarraitu gura du, urtero jorratzen dituenak, arlo horretako arduradunek adierazi dutenez. Herritarrei dei egin gura die jaiez goza dezaten Leioa osoan, gertakizun zitalak onartu gabe, hala nola jazarpena eta txantxa edo eraso sexistak. Herritarrak kanpainaren partaide egiteko asmoagaz, bi traola asmatu dira, bat euskaraz eta bestea gaztelaniaz: #LeioanErasoSexistarikEz eta #LeioaSinAgresionesSexuales, sare sozialetan eta mezuak bidaltzeko aplikazioetan ideia hau zabaltzeko asmoagaz.
Erlazionatuak
San Juan jaiek ez daukate etenik Leioan
2015 eka 17 Leioa
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun