Ekainaren 25etik 28ra egingo dute UmHerri15 izeneko jardunaldi irekia eta hiru eguneko formakuntza ikastaroa, Leioako Herri Laborategiak antolatuta. Ekimenean, besteak beste, Francesco Tonucci pentsalari italiarrak parte hartuko du. Tonuccik asmatu zuen 1991ean Umeen Hiria kontzeptua. Umeen autonomia indartu beharraren tesiari eusten dio berak: "umeek hirien gobernuan parte hartu ahal dute ideiak eta eskakizunak adieraziz, eta helduen gehiegikeriak salatuz".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!