Leioako Emakumeen Elkarte Soziokulturala, Andrak, 1990eko apirilean sortu zen, eta gutxi gorabehera, 1.900 bazkide ditu. Emakume horiek, gehienbat, helduen osoko sustapenean lan egin zuten, eta ondorioz, elkartu egin ziren emakumeak esparru soziokulturalean sartzea bultzatzeko.
Elkartearen beste helburuetariko bat da Leioako emakumeek euren interesen araberako eskaintza erakargarria izatea eta helduen hezkuntza jarraitua errealitate bihurtzea. Andrak eratu zen emakumeen partaidetza eta gizarteratzea sustatzeko, ongizatea hobetzeko, eta erakundeetatik diru-laguntzak jasotzen dituzten helburu horiek aurrera eroan ahal izateko.
Andrak elkarteagaz lankidetza hitzarmena izenpetu du Leioako Udalak
Leioako Udalak berritu egin du Andrak Emakumeen Elkarteagaz zeukan lankidetza hitzarmena, udalerrian emakumeen jarduera sozial eta kulturalak sustatzeko. "Elkarte horrek jarduera ezberdinak burutzen dituenez, Andrak dituen baliabideak aprobetxatu gura izan dira leioaztarren onerako", azaldu dute udal arduradunek. Hitzarmenaren xedea da eragile bien arteko kolaborazioa ezartzea, Udalak lehentasunezko erregimenean elkarteari utziz gaur egun erabiltzen duen lokala, kultura jarduerak eta emakumeen papera sustatzeko ekintzak antolatzeko. Gastuak bere gain hartuko ditu Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun