Errebantxa usaina izango du gaur arrastiko 17:30etik aurrera Udondok. Ordu horretan abiatuko da 600 kiloko Euskadiko Lur-gaineko Sokatira Txapelketaren lehenengo dema. Ohi bezala Goiherri eta Laukizko Gaztedi izango dira faboritoak. 680 kilokoan Goiherri nagusitu da aurten, eta 640 kilokoan, Gaztedi. 600 kiloko mailan, bigarren norgehiagoka Laukizen izango da eta finala, berriz, Erandioko San Kristobalen egingo dute, uztailaren 11n.
Bilboko Zorrotza auzoak hartu zuen pasa den domekan Lur Gaineko Euskadiko Sokatira Txapelketaren finala, 640 kiloko modalitatean. Martiartun hilaren 13an gertatu zen legez, Goiherrikoek Laukizko Gaztedikoakaz berdindu zuten. Hortaz, maiatzean Mutrikun Gaztedik lortu zuen puntu bateko abantaila erabakigarria izan zen txapela Laukizera eroateko. Erandioztarren taldeak 2. eta 4. sailkatu ziren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!