Leioako Udaltzaingoak aholkatu duenez, "etxetik kanpo denbora laburrez egongo bagara ere, eskura ditugun segurtasun neurri guztiak erabili behar ditugu". Adibidez, giltzak lanpasaren azpian edo ezkutatuta ez uztea; atezain automatikoari erantzutea, deitzen duten bakoitzean; eta etxetik irtetean atea beti giltzaz ixtea. Bestalde, "gure ataritik zokomiran dabiltzan pertsona susmagarriak ikusiz gero" proposamen bakarra eskaintzen dute: "deitu Udaltzaingoari".
Neurri gehiago
- Oporren aurretik, ezezagunen aurrean ez esan noiz irten eta itzuliko zaren, ez eta bidaiaren gaineko beste ezer ere (erabiliko den ibilgailua, oporretarako aukeratutako lekua, eta abar.
- Agindu senide edo auzokoren bati heltzen zaizun posta hartzeko, ez zaudela nabaritu ez dadin.
- Agindu senide edo auzokoren bati pertsianak zabaldu eta ixteko, etxean “bizia” dagoelako sentsazioa emateko. Era berean, programagailuak ere erabil ditzakezu, egongelako edo sukaldeko argiak piztu eta itzaltzeko, eta, horrela, efektu bera lortzeko.
- Lorategia duten etxeetan, zuhaitz eta zuhaixketako adarrak inausita eduki, lapurrak ez daitezen ezkutatu edo sartu.
- Ez utzi etxeko giltzarik lanpasaren azpian edo loreontzietan... ezkutatuta. Seguruagoa da kopia bat konfiantzako auzokoren bati edo senideren bati uztea, beharrezkotzat joz gero.
- Itxi sarrerako atea giltzari buelta bat baino gehiago emanda, “txartelaren” metodoa erabilita ireki ahal izatea saihesteko.
- Egiaztatu etxeko ate nagusiaren eta zoruaren artean ez dagoela tarterik, palanken erabilera saihesteko.
- Ez utzi objektu baliotsurik (koadroak, bitxiak, eskulturak, eta abar) denbora luzean jenderik bizi ez den etxeetan.
- Konfiantzako pertsonaren bati esan non aurki zaitzaketen, beharrezkoa balitz.
- Ez utzi oharrik atean, ez mezurik erantzungailu automatikoan, bertan ez zaudela esanez.
- Garrantzitsua da oporretan ez doazen pertsonek auzokoen etxeetan, erkidegoetan edo urbanizazioetan izan daitezkeen mugimendu arraro edo zaraten berri ematea.
- Ikuskatu postontzia, telefonotxoa edo etxeko atea, lapurrek zein etxetan lapurtu behar duten bereizteko egiten dituzten marken bila (lerro horizontalak edo bertikalak, esate baterako). Markaren bat badago, ezabatu edo egin ahal dena irakurtzeko modua izan ez dadin.
Fatxadan edo patioan aldamioak daudenean
Eraikinetan aldamioak instalatzen dituztenean, gaizkileek etxebizitzetara igotzeko aprobetxatzen dute, altura haietan harrapatzen dituzten baliozko objektuak lapurtu. Horrelakoak zailtzeko hainbat metodo dago:
- Itxi aldamioetatik sartzeko moduko leihoak eta pertsianak.
- Itxi aldamiotatik sartzeko moduko eskaileretako leihoak.
- Erretiratu aldamioetatik ikus daitekeen baliozko objektuak.
- Saiatu segurtasun neurridun aldamioak instalatzen.
Lapurreta izan ei denean
Etxera iristean atea edo leihoa zabalik badago, Udaltzaingoari deitu eta gertatutakoa azaltzeko aholkatu dute. Ez sartzeko gomendioa ere egin dute. Horren ordez, Polizia heldu arte itxaroteko gomendioa eman dute. Era berean, lapurra etxe barruan egotekotan, aurre ez egiteko eskatu dute. Udaltzaingoaren arabera, "garrantzitsua da oinarrizko xehetasunei erreparatzea (arropa, ezaugarri fisikoak, tatuajeak...), deskribapena Poliziari emateko eta, ondoren, balizko identifikazioa egiteko".
Telefonoak
Leioako Udaltzaingoa: 944 008 021.
SOS Deiak: 112.