EAJren eta PSE-EEren Leioako udal taldeek akordioa lortu dute "udalerriaren alde lan egiten" jarraituko duen gobernua eratzeko, "egonkortasun politikoa eta gizarte garapena oinarri". Hala, osoko bilkuretan gehiengo osoa edukiko dute alderdi biek, indarrak batuz; Udalbatzarra osatzen duten 21 ordezkari politikoetatik 12 alderdiko horietakoak baitira. Udal Gobernuaren barne antolakuntzari dagokionez, alderdi sinatzaileen ustez, alkatetza zerrenda bozkatuenaren buruaren esku egon behar zuen: gaur egungo alkatea, EAJko Mari Carmen Urbieta Gonzalez, ekainaren 13ko osoko bilkuran aukeratu zuten lan horretarako. Alkateordeak, ostera, hauexek izango dira: lehena, Iban Rodriguez Etxebarria (EAJ); bigarrena, Juan Carlos Martinez Llamazares (PSE-EE); eta hirugarrena, Estibaliz Bilbao Larrondo (EAJ).
Bestalde, Tokiko Gobernu Batzordean hauek egongo dira: Arantxa Diaz de Jungitu Tudanka (EAJ), Javier Atxa Arrizabalaga (EAJ), Xabier Losantos Omar (EAJ), Idoia Blasco Cueva (EAJ), Dioni Andres Blanco (EAJ), Alfonso Lopez Arevalillo (PSE-EE) eta Enara Diez Oyarzun (PSE-EE).
Informazio-Batzorde Iraunkor desberdinen presidenteak hauek izango dira:
Hirigintza, etxebizitza, obra eta zerbitzu, eta ingurumenean, Iban Rodriguez Etxebarria (EAJ); Barne Araubidean, Arantza Diez de Jungitu Tudanka (EAJ); Ogasun, ondare eta kontuen batzorde berezian, Idoia Blasco Cueva (EAJ); Kultura, gazteria, kirol, eta hizkuntza politikan, Estibaliz Bilbao Larrondo (EAJ); Hezkuntza eta herri partaidetzan, Enara Diez Oyarzun (PSE-EE); Gizarte ekintza, osasun, kontsumo, berdintasun eta garapenerako lankidetzan, Juan Carlos Martinez Llamazares (PSE-EE); eta ekonomia sustapen eta garapen, prestakuntza eta enpleguan, Javi Atxa Arrizabalaga (EAJ).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.