Besteak beste, Adrian Guemes eta Jon Etxaniz aurrelariak, Ekaitz Molina erdilaria eta Iñigo Carro atzelaria ekarri ditu Portugaletetik, Tudelanotik, Durangoko Culturaletik eta Barakaldotik, hurrenez hurren. Gordobilek gizon horiekaz ordezkatu gura du joandako tropela: Ander Vitoria, Burgosek fitxatu duena; Sergio Garcia, Lehenengo Mailako Eibarren jokatuko duena; Ali Diakite, Guadalajarako jokalari berria; Alaña, Athleticeko kadeteak Lezaman entrenatuko dituena; Diego Simon, Gernikara joandakoa; Ormazabal, Zamudiora jo duena; eta Bernardo, Coch, Garmendia, Larrucea, Paredes eta Yurrebaso. Halere, Sarriena ez da hutsik egongo aurten, klubak berritu baititu hainbaten fitxak: Oier Barrado, Goikoetxea, Julio Montero, Iturrioz, Gabilondo, Polanco, eta Cordoba, Bilbao Athleticegaz jokatzeari uko egin zion-eta. Taldea entrenatzen laguntzeko, arrasatearrak Kike Alonso teknikaria ekarri du Gernikatik. Oraingoz, Leioak 7 partida aurreikusi ditu denboraldi-aurrekoan, uztailaren 29a eta abuztuaren 19a bitartean. Sei Bizkaian jokatuko dituzte eta denboraldi-aurrekoaren azken partida Castron izango dute.
Gordobil Leioa berregiten dabil
Sarrienako aldagela bere gustura jartzen dabil Igor Gordobil Leioako entrenatzaile berria. Gordobil arrasatearrak azken fitxaketak probatzeari ekin zion atzo, denboraldi-aurrekoa abiatzeagaz batera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun