"Honetaz informatuta egon da Esnatu Leioa momentu oro", adierazi dute udal iturriek. Ruben Belandia Esnatu Leioa-ko bozeramailearen arabera, berriz, "hasieran ez ziguten ezer esan, eta idatziz eskatu arte, ez genuen erantzunik jaso". Belandiak berak aitortu zuen uztailaren 16an egindako udal batzarrean, gainontzeko talde politikoek ez bezala, Esnatu Leioako zinegotziek taberna bateko terrazan eserita prestatu behar izan zituztela udal-batzarreko gaiak.
Esnatu Leioak badauka bulegoa
Maiatzaren 24ko hauteskundeetan 4 zinegotzi lortu zituen Esnatu Leioa-k. Uztailaren 21era arte, ordea, ez du bulegorik eduki Ahal Dugu-k (Podemos) bultzatutako alderdi horrek. Udaletik adierazi dutenez, "udaletxean ez da leku fisikorik egon bulego berri batentzat". Denak okupatuta egon ei dira udal langileakaz eta gainontzeko talde politikoakaz. Hala, hainbat aukera aztertu ostean, langile bat lekuz aldatu dute.Esnatu Leioak jakinarazi duenez, momentuz, eguenero, 17:00etatik 19:00etara, arreta egingo diete herritarrei, liberatutako zinegotzirik ez daukatelako eta, hortaz, bakoitzak lanean ematen dituelako goizak. Helbide elektronikoa ere jarri diote: esnatuleioa@leioa.net
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun