Leioako Udaltzaingoak K.S.B. 22 urteko gizonezkoa atxilotu zuen atzo, astelehena, Lamiakoko Langileria kaleko 90. zenbakiko trasteleku batzuetan lapurreta egitea egotzita, udal iturriek zabaldu dutenez. Atzeman eta ordu gutxira, atxilotua epailearen aurrera eraman zuten udaltzainek. Polizien arabera, gazteak delituzko hainbat aurrekari ditu.
Atxiloketa atzo izan zen, goizaldeko 05:00etan. Udal iturriek diotenez, Langileria kaleko 90. zenbakiko bizilagun batek Udaltzaingora deitu zuen trastelekuetan zarata handiak entzuten zituelako. Poliziak bertaratu zirenean, pertsona bat ihesean irten zen atalondotik, atzean objektuz betetako poltsa bat utzita. Eraikinaren miaketa egiten zebiltzanean udaltzainek susmagarria aurkitu zuten, beste poltsa bategaz.
Denera, hamalau trasteleku zeuden irekita, eta bertatik hainbat objektu falta ziren, gehienak elektronikoak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.