Mendibileko jolas-parkea berrituta egongo da iraila amaitu aurretik, Leioako Udalak baieztatu duenez. Jolas-parkea "zahartuta zegoela ikusirik", Udalak erabaki zuen jolasak berritzea, eta "bertaratzen diren txikiei aukera berriak ematea".
Orain dauden kulunken eta zabuen ordez, elementu berriak ipiniko dituzte, gaur egun hegazkina dagoen lekuan. 2 eta 12 urte bitarteko umeentzako jolas berriak honakoak izango dira: kulunka bikoitza, txirrista biko elementua (bata, sarbide biko tutu formakoa, eta bestea, kiribil itxurakoa), gai interaktiboak, bost sarbideko eta hiru altuerako plataformak, eta perretxiko birakaria.
Denera, 65.000 bat euroko inbertsioa izango da. Aurten, beste parke batzuk ere zaharberrituko dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!