Gaur goizean, zehatz-mehatz, 09:00etatik 12:00etara, Iberdrolak argindarra eten egin du Leioako erdiguneko zenbait gunetan; besteak beste, Jose Ramon Aketxe eta Errekalde plazetan. Udal iturrien arabera, Iberdrolak ez die eten hau aldez aurretik iragarri auzokoei. Hori dela eta, leioaztar batzuek horren kaltea jasan dute. Agintari leioaztarrek gaineratu dutenez, Udala Iberdrolagaz harremanetan jarri da azalpenak eskatzeko etenarengatik eta enpresatik erantzun dute "09:00etatik 12:30era eten bat programatu dutela instalazio elektrikoak hobetzeko". Auzokoei aldez aurretik ez jakinarazteari buruz, "Iberdrolak lana egiteko kontratatutako enpresak informazio hori argitaratzeko ardura duela" esan ei dute.
Eten honen aldez aurreko jakinarazpena egon ez denez, Iberdrolak iradokitzen du kontratuaren titular bakoitzak erreklamazio bat egin diezaiokeela konpainia elektrikoari 900 171 171 telefono zenbakiaren bidez edo distribucion@iberdrola.es posta elektronikoan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!