Publikoaren aurrean, zazpi gorputz kulunka agertuko dira, metronomoen antzera. Erreflexuak, mugimendu zeiharrak eta kurbak... elkarri bultza egiten diote. Ematen du eroriko direla; baina, gorputz bakoitza zuzendu egiten da, eta oreka dator berriro. “Ezinezkoa da indar-eremu horretatik ateratzea edo ihes egitea. Baina, hertsadurak ez ditu dantzariak ikaratzen, gozatzen dute, kinadak dauzkate eta subertsiora doaz”, azaldu dute Kultur Leioako iturriek. Askatasuna, itxialdia, predeterminazioa eta erabakiak hartu, pasioz bete eta zerbaiten sinesteko gaitasunari buruzko koreografia da ikusgai egongo dena. Antzerki fisikoak, une koreografiko apartek eta klarinete bikoteak adieraziko dute askatasunaren lorpena; “baina batez ere, erakusten dute erabakitzeko askatasun faltak erosotasuna, lasaitua, familiartasuna eta zoriontasuna ekar ditzakeela”.
"Correction" dantza-ikuskizuna bihar Leioan
VerTeDance Company & JiriHavelka dantza-talde txekiarrak "Correction" ikuskizuna eskainiko du barikuan, azaroak 6, Kultur Leioako auditorioan. Emanaldia 20:30ean hasiko da; sarrerak daborduko salgai daude, 12 euroan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun