Sabadell Guipuzcoano bankuak "Leioan sinisten dugu" kanpaina jarri du martxan, bertoko merkatariakaz; ekimenagaz bat egin duten saltokietan erosten duten leioaztarrak 1.000 euroko zozketan sartuko dira. Hala, azaroaren 30era arte egiten den erosketa bakoitzeko aukera bat edukiko dute bezeroek, dendetan ipini diren ontzietan datuak sartuz gero.
Bide batez, Sabadell Guipuzcoanok beste 1.000 euro zozkatuko ditu merkatarien artean. Gainera, Mariscalek diseinatutako poltsa ekologikoak banatuko ditu bankuak, Jose Ramon Aketxe plazako bulegoan. Zozketak abenduaren 15ean eta 20an izango dira; ehun denda inguruk bat egin dute ekimenagaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!