"Etxekoak" antzezlana istorio pertsonal batetik abiatzen da. Lipusek azaldu duenez, "itsasoaz bestalde maitemindu nintzen. Atzerriko lagunarekin egoteko aukera bakarra ezkontzea izan zen. Eta hor hasi zen dena: burokrazia, paper administratiboak, joan-etorri zenbatezinak, elkarrizketak kontsulatuan... urtetako erokeria eta zentzugabekeria hutsa". Esperientzia horretatik abiatuta, "egungo gizarteak eta estatuek sortu eta eraiki dituzten muga eta lege zentzugabeen kritika" egitera doaz antzezlan berri honegaz; etxekoa/kanpokoa dikotomian gaur egun hain presente dugun immigrazioaren gaia jorratu dute.
"Etxekoak" antzezlana ikusgai etzi, Leioan
Huts Teatroak Artedrama Kultur Leioako konpainiaren magalean egindako bigarren sorkuntza da "Etxekoak" euskarazko antzezlana; Jon Gerediagak idatzi eta Ander Lipusek zuzendu dute. Maitasuna abiapuntu, immigrazioaren gaia jorratzen du, umore-kutsua emanez. Azaroaren 1ean Luhuson (Lapurdi) estreinatu zuten; bariku honetan, hilak 20, Kultur Leioako entzungelan egongo da ikusgai, 20:30ean. Sarrerak salgai daude, 10 euroan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun