Abenduaren 3an campusean abestera deitu du Leioako Herrigunek

Iker Rincon Moreno 2015ko aza. 30a, 19:42

Aurreko urtetan bezala, leioaztarrek campusean abestuko dute abenduaren 3an. HERRIGUNE LEIOA

Eguen honetan, abenduak 3, Euskararen Nazioarteko Eguna ospatzeko, hainbat jarduera egongo dira Leioan. Herrigune egitasmoak horien hedapena egiten lagundu gura du; gonbita berezia egin du, jarduera horietan parte hartzeko. Horrez gainera, egun horretan bertan, Herrigunek deituta, herritarrak campusera igoko dira Udondoko Txikiteroakaz, zenbait kanta taldean abesteko. Goizeko 11:00tan jarri dute hitzordua EHUko Mikel Laboa plazan; autobusak doan jarriko dituzte interesa duten denek igo ahal izateko. Izena emateko info©herrigune.org helbidera idatzi edo 944 029 780 edo 662 610 018 telefonoetara (eguazteneko 11:00ak baino lehen) deitu beharko da. Autobusak 10:15ean aterako dira Lamiakotik eta 10:30ean San Bartolome eta Udondotik.

Kanta eder eta ezagunak elkarrekaz kantatzea da plana (eta gero txokolate beroa hartzea): "Ixil ixilik dago", "Haurrak ikas zazue", "Loretxoa", "Aldapeko", "Ikusi mendizaleak", "Hegoak ebaki banizkio" eta "Txantxibiri". "Baina ez da emanaldi bat, ez da ikuslerik egongo, abestera elkartuko gara besterik gabe, edo abesten ikastera ere, nahi bada. Ikasketa saio ireki moduan plazaratzen dugu ekimen hau", azaldu dute Herrigunetik.

Hemen dauzkazue abestuko dizten zazpi kanten letrak batzen dituen kantutegia:

Kultura Leioa

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun