Euskararena eta Nafarroarena ez ezik, Desgaitasunen Nazioarteko Eguna ere bada abenduaren 3a. Hala, bihar bertan, 13:00ean, Leioako campuseko liburutegiko hallean, Unibertsitate Inklusiboa I. kartel-lehiaketako sarien banaketa egingo dute. Lehenengo saria Cristina Anton Martinezek irabazi du, bigarrena Alvaro Ares Navak eta hirugarrena Jon Martin Etxebestek.
Bihartik urtarrilaren 29ra bitartean, EHUko liburutegiko hallean, Leioako campusean, Unibertsitate Inklusiboa kartel-lehiaketaren lehenengo edizioan parte hartu duten lanen artean epaimahaiak hautatuko 20 kartelen erakusketa izango da ikusgai. Lehiaketa urrian zehar egin dute ikasleen artean, "XXI. mendeko unibertsitate inklusiboa eta desgaitasunak eta, oro har, hezkuntza premia bereziak dituzten ikasleen beharrei erantzuteko praktika egokiak" goiburuaren pean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!