Bart ibilgailu bateko gurpilak lapurtu gura izatea leporatu dio Ertzaintzak hiru gizonezkori; Leioako etxebizitza eraikin bateko garaje-partzela batean aparkatuta zegoen autoa. Eusko Jaurlaritzaren Segurtasun Sailak zabaldutakoaren arabera, auzokide bikote batek ezustean harrapatu ditu ustezko lapurrak; bertatik ihes egin dute, gurpilak Leioako parking batean utzita.
Polizia-iturriek diotenez, 23:00ak baino minutu batzuk lehenago izan dira gertaerak; auzokideek ezustean harrapatu ostean, ibilgailu batean ihes egin dute hiru gazteek. Ertzaintzak ordu eta erdi beranduago atzeman ditu Santurtzin; galdekatuta izan ostean, egindakoa aitortu egin omen dute. Gauzak horrela, lapurreta eta kalte delitu bana egotzi dio gizonezko bakoitzari Ertzaintzak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!