Bizkaiko Kultur Txartela urtarrilaren 27ra arte egongo da salgai, Kutxabanken kutxazain eta sistemen bitartez; euskarazko ikuskizunetarako 24 euro ordaindu beharko dituzte, eta 28 euro, beste hizkuntza batean dauden saioetarako. Lurralde mailako agiria urtarrilaren 31ra arte trukatu ahal izango da Kultur Leioan, eta epe bera dago bertoko bazkide egiteko.
Bizkaiko Kultur Txartela erabiliz, Kultur Leioako bazkide egiteko eta bertan egongo diren ikuskizunetarako sarrerak erosteko aukera egongo da Gabonetan; daborduko erakunde leioaztarreko lagun direnek bazkidetza berritu ahal izango dute. Horrez gainera, Kultur Leioan erabiltzeko 40 euroko bonua lor dezakete horiek guztiek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun