Udal hauteskundeei begira, Ahal Dugu-k (Podemos) zabaldu zuen otsailaren 10eko batzar irekirako deialdia; astebete beranduago Esnatu Leioa izena jarri zioten hautagaitzari. Maiatzaren 24ko bozetan, 2.356 boto (%16,74) eta lau zinegotzi eskuratu zituen.
Hautesleek utzitako dirua bueltatzen hasi da Esnatu Leioa
Maiatzaren 24ko udal hauteskundeetako kanpaina finantzatzeko, hainbat herritarren laguntza jaso zuen Esnatu Leioa alderdiak; auzokideek utzitako dirua bueltatzeko moduan daudela adierazi dute talde ezkertiarreko kideek. "Hori guztia dagokigun hauteskundeetako gastuetarako diru-laguntzagaz itzultzeko asmoa geneukan; baina, begi bistan denez, atzeratu egingo da subentzioa". Kontuak horrela, "Udaletik jasotako dirua eta zinegotzien ekarpenak" baliatuko dituzte jasotako "mikrokredituak" atzera emateko. Finantzatzaileen esku, helbide elektroniko bat (esnatuleioa@gmail.com) ipini du Esnatu Leioak; norberak bere kontu korronte zenbakia bidali beharko du bertara, eta alderdiak diru-sarrera egingo dio.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun