Biek ala biek bete beharko dute Eric Curbelo kanariarra postu horretan utzitako lekua, pasa den 22an geratu baitzen taldetik kanpo.
Javier Landetak gogorarazi duenez, pasa den denboraldian Leioak 48 puntu behar izan zituen kategoria mantentzeko. Hori dela eta, ligako bigarren bueltan "gutxienez" lehenengoaren maila eta emaitzak berdindu beharko lituzkete. Presidenteak nabarmendu duenez, Bigarren Taldeko ezaugarri nagusiak dira "emaitzak estuak" izaten direla eta "joko-zelaian 20 taldeen artean desberdintasun gutxi dagoela". Azkenean, deialdia egin dio taldearen oinarri sozialari Sarrienara usuago hurbil dadin: "zuen bultzada behar dugu", azaldu du.
Fitxajeak
Pedro Capo Payeras Mao herrian jaio zen 1990ean. Denboraldi honetan Llosetense taldean militatu du eta aurretik jokatu du Sporting Mahones, Real Club Celta de Vigo B, Real Club Deportivo Mallorca B, Atletico Baleares eta Arroyo klubetan.
Yannis Rahmani, Champigny-sur-Marnen jaio zen, Parisko metropoli-gunean, 1995ean. Ezkertiarra da eta ezker hegaleko zein erdi-punta gisa joka dezake. Athleticek utzita heldu da Leioara, denboraldi hasieran Tudelanon jardun ostean. 2003an, oraindino kimua zela, Lezaman sartu zen. Bertan ibili da Athleticek pasa den denboraldian Sestao River klubari utzi arte. Abuztuan, ordea, Tudelanora lekuz aldatu zuen Bilboko klubak.