Ekintza honegaz herritarrei erraztasunak eman gura dizkie Udalak; kasu honetan, aurrematrikulazioa egin behar duten umeen gurasoei. "Errolda-agiria derrigorrezkoa da aurrematrikulazioa egiteko, eta urtero hainbat guraso bulego-orduetan etorri behar dira udaletxera agiri hau eskuratzeko. Beraz, gestio hau erraztea du helburu ekintza honek", azaldu dute bertoko agintariek. Horregaz batera, herriko ikastetxe publikoei buruzko informazioa ere bidali dute.
Bestalde, Leioako Udalaren Euskara Zerbitzuak "D bitamina" izeneko kanpainaren bidalketa ere egiten hasi da. Leioako Udala, Bizkaiko beste 24 udalerri eta 2 mankomunitateakaz batera, euskarazko hezkuntza bultzatzea helburu duen kanpainaren parte da, euskal gizartean benetako elebitasuna lortzearen aldekoa.