"Ikuskizun hau ez da ohiko antzerkia; berezia da", adierazi du Unai Garate zuzendari itzubaltzetarrak. Inprobisazioan dauka oinarria. Horretarako, kultur arloko sei lagun batuko dira mahai baten inguruan; gai desberdinak jorratuko dituzte, publikoaren parte-hartzea bultzatzeagaz batera. Ana Arias "Cuentame" telesaileko aktorea, Arrate Etxebarria antzezle eta dantzaria, Ivan Ferreiro Los Piratas taldeko kide ohia, Maria Zahara kantautorea, Jon Maia idazle eta bertsolaria eta Valerie Tasso sexologo eta idazlea frantziarrak adostasun eta desadostasunean murgilduko dira; ustekabez jositako zuzeneko musika izango du talk show honek. "Emozio piloa itsasgoran, performancearen kontrakoa", Garatek laburbildu duenez.
"Sindrome de Estocolmo" antzezlana ikusgai barikuan, Leioan
Bariku honetan, urtarrilak 22, Uribe Kosta eskualdean sortutako Bufalo Produkzioak konpainiak "Sindrome de Estocolmo" antzezlana eskainiko du, gaztelaniaz, Kultur Leioako entzungelan. Emanaldia 20:30ean izango da; sarrera 15 euroan dago salgai.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun