Domeka honetan, urtarrilak 24, Madrilgo La Tartana konpainiak "El sueño del pequeño guerrero" ikuskizuna eskainiko du, gaztelaniaz, Kultur Leioako entzungelan. Tamaina denetako txotxongiloak eta itzaletako antzerkia uztartzen ditu obra honek, Afrikako Masai tribuaren aspaldiko kulturan oinarritutako istorio eder eta bizi bat eskainiz. Emanaldia 18:00etan izango da; sarrerak 5 euroan daude salgai.
Istorioari dagokionez, Kikanaek gudaria izan gura du, baina hori lortzeko, bere tribuko xamanak jarriko dizkion probak gainditu behar izango ditu. Proba hauei aurre egiteko izango duen ausardiak sabanan abentura harrigarriak bizitzeko parada emango dio.
Gainditu ahal izango du bere tolesgabetasuna gudari handi bihurtzeko?
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.