Biologiako IX. Olinpiada egingo du bihar Zientzia eta Teknologia Fakultateak

Erabiltzailearen aurpegia Hiruka 2016ko urtarrilaren 21a

Batxilergoko ikasleak esperimentuak egiten Zientzia Fakultateko laborategietan. © EHU

Bariku honetan, urtarrilak 23, hasiko da Biologiako IX. Olinpiadaren lehenengo fasea, eskualde mailakoa, EHUko Zientzia eta Teknologia Fakultatean; hitzordua 1.5 gelan jarri dute, 17:00etan. Denera, 33 ikaslek parte hartuko dute, Euskal Autonomia Erkidegoko 11 ikastetxetatik etorritakoak (3 Arabakoak, 6 Bizkaikoak eta 2 Gipuzkoakoak). Parte hartzaileek proba teorikoa egin beharko dute bihar; proba horretako sailkapeneko lehenengo 10 ikasleek ariketa praktikoa egingo dute otsailaren 5ean, 17:00etan, Zientzia eta Teknologia Fakultatean bertan.

Olinpiadako lehen fase honetan 2015-2016 ikasturtean Batxilergoko ikastetxeetan matrikulaturik dauden Euskal Autonomia Erkidegoko ikasleek parte har dezakete. Probak lehenengo eta bigarren mailetako Batxilergoko edukiakaz erlazionatuta daude. Biologiako Olinpiadaren eskualde maila EHUko Biologia irakasle hauek antolatu dute: Adrian Odriozola, Ana Puente, Sergio Seoane, Beñat Zaldibar eta Nerea Fernandez.

Eskualde mailako fase honetako lehenengo hiru postuak lortzen dituztenek Espainia mailako fasean lehiatuko dira, Vigon, apirilaren 7tik 10era bitartean; bigarren fase horretako irabazleen hurrengo zita Hanoin (Vietnam) izango da. Uztailaren 17tik 24ra arte Nazioarteko XXVII. Olinpiada egingo da bertan. Azkenik, irailean, Brasilen jokatuko da X Olinpiada Iberoamerikarra.

Hezkuntza Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun