Pasa den azaroaren 15ean, Sakonetan umeentzako teknifikazio-saio egin ondoren, nesken eta mutilen taldeak fintzen ibili dira. Urtarrilaren amaieran, berriz, ezustekorik ezean, behin betikoak izan daitezkeen izenak zabaldu zituzten. Nesken taldean 13 jokalaritik seik Leioa Waterpolon jokatzen dute: Naroa Etxaniz, Maider Sobera atezaina, Nora Toledo, Erika Lopez Pastor, eta Espainiako txapelketan errepikatuko duten Ane Salazar eta Ane Arana. Seikote horretaz gain, Valladolidera bidaiatzeko aukera ere izan dezake Irati Araujo ordezko atezain leioaztarrak, Sobera edo Bidasoako Nerea Mitxelena lesionatzen bada, behintzat.
Gizonezkoei dagokienez, lau dira Euskadigaz jardungo duten Askartzako jokalariak: Alejandro Camara atezaina, Joseba Uriarte, Nicolas Gorbeña eta Iker Argote. Euskadiko Selekzioaren hurrengo entrenamendua otsailaren 28an izango dute, Gasteizko Mendizorrotzako kiroldegian.