Umore Azokak inoiz baino eskaera gehiago jaso ditu, antolatzaileek adierazi dutenez. Aurtengo edizioan parte hartzeko asmoz, 424 eskakizun egin dituzte 393 konpainia ezberdinek. Horietatik 50 Euskal Herrikoak dira (%12), erdiak Espainiako Estatukoak (%53), eta gainontzekoak nazioartekoak (%35). Azken horiek 25 herrialdetatik etorritako eskakizunak dira: besteak beste, Frantzia, Italia, Erresuma Batua, Txekia, Japonia, Ameriketako Estatu Batuak (AEB), Kanada, Costa Rica edo Txiletik heldutakoak. "Azken urteetako joerari jarraiki ulertu liteke igoera hau. Konpainiek gero eta interes handiagoa daukate Umore Azokan egoteko, kale-artistentzako hitzordu garrantzitsua bihurtu delako", aipatu dute antolatzaileek.
Maitagarri batek iragarriko du aurtengo Umore Azoka
XVII. Umore Azokak badauka irudia: hegan datorren maitagarria. Pertsonaia horrek iragarriko du maiatzaren 19tik 22ra egingo den Leioako kale-artisten azoka. Laster ezagutaraziko dituzte aurtengo ediziorako aukeratutako taldeak; hautaketa-prozesua amaitzear dago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun