Gobernu ireki eta parte-hartzailearen ereduaren bidean jarraitzen du lanean Leioako Udalak, "herritarren partaidetzari hauspoa emanez", adierazi dute agintari leioaztarrek. Horrela, inplikazio eta erantzunkidetasunezko kultura sustatu gura dute; eta aldi berean, informazio, iritzi eta partaidetzarako espazioak hobetu eta indartu.
Oraingoan, partaidetza-prozesu horien diagnostikoa egin gura du Udalak. Leioaztarren iritzia ezagutzeko inkestak egiten dabiltza; horrez gainera, udal talde politiko eta teknikoei zein herriko elkarteei elkarrizketak egiten hasi dira, ikuspegi zabal eta globala edukitzeko. "Ondorengo azterketak existitzen dena ebaluatu eta existitzen ez dena sortzeko balio izango du", euren ustez.
"Urte asko dira Leioan herri-partaidetzaren inguruko ekimenak egiten direla, herritarren iritzia eta partaidetza sustatzeko", adierazi dute agintari leioaztarrek. Oraingoan, partaidetza prozesu horien diagnostikoa egin gura du Udalak; horretarako, leioaztarren laguntza eskatu du, inkesta labur bat erantzuteko. Leioaztarrek martxoaren 15era arte edukiko dute diagnostiko honetan parte hartzeko aukera. Inkesta erantzuteko modu bi daude: bata, udal bulegoetan (udaletxea, Kultur Leioa, kiroldegia eta gaztegunea) egongo den paperezko galdetegia betetzea; eta bestea, Internet bidez, euskaraz edo gazteleraz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun