"Ekimen honen helburua eztabaida baketsu eta parte-hartzaile bat bultzatzea da, zeinaren bidez Sabino Aranari eman diezaiokegun erabilerei buruz hitz egingo dugun eta era berean, zaharkitua geratu den tranbia-proiektuari buruzko informazioa trukatzea. Bide batez, zaharkitua geratu den proiektu honen alternatiba teknikoak ere aztertuko ditugu, ingurugiroa errespetatuko duen eta azpiegitura (katenariak eta burdinbideak) behar izango ez dituztenak esaterako", azaldu dute gaurko agerraldian Aritz Tellitu eta Naiara Goiriena Leioako EH Bilduko zinegotziek.
.jpg)
Gaur egindako prentsaurrekoaren bitartez, Sabino Arana kaleko "hirigintza-egoera prekarioa" salatu du Leioako EH Bilduk. Koalizio soberanistak prozesu parte-hartzaile bat martxan jarriko du; oinezkoentzat egokituz berritu gura dute karrika ezkertiarrek. Aste honetan bertan, Sabino Arana eta Udondoko Bulebarreko bizilagunei gutun bana bidaliko zaie, ekimen honen berri emateko. Datorren astetik aurrera, berriz, zonaldeko dendari eta bizilagunei galdeketa egingo zaie. Herritarren beharrizanei buruzko diagnosia eta kalea oinezkoentzat jartzearen inguruko kezka, zalantza eta ekarpenak jaso gura dituzte. Azkenik, lehenengo fase honi amaiera emateko, martxoaren 17an, eguena, oinezkoentzako egokitzapenak ekar ditzakeen ondorioei buruzko berbaldia egongo da Sakoneta kiroldegian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun