Igorritako argazkiak baldintzak betetzen baditu, www.leioaitsasadarretik.info webgunean argitaratuko dute, epaimahaiak balora dezan. Interneteko atari horren bidez emango dituzte ezagutzera, maiatzean, hiru saridunen izenak; sariak esku-dirutan emango dira: irabazlearentzako 500 euro, bigarrenarentzako 350 euro, eta hirugarrenarentzako 150 euro. Horrez gainera, hainbat ekintza osagarri egongo dira, berbarako: solasaldiak izango dira; historia, ondare eta biodibertsitatearen gainean jardungo dute parte hartzaileek adituakaz. Bestalde, leioaztar denei zuzendutako ekintza ludikoak eta parte-hartzaileak egingo dituzte; itsasadarragaz zerikusia edukiko dute. Udal arduradunek adierazi dutenez, urteko lehen hiruhilekoan izango dira ekintzak, baina oraindino ez dituzte datak zehaztu.
"Leioa itsasadarretik" antolatu du Udalak, Portu Fundazioaren laguntzaz
Portu Fundazioaren laguntzagaz, Leioa itsasadarretik argazki-lehiaketa antolatuko du Udalak. Izenak dioen legez, sariketak Ibaizabal ingurua izango du protagonista nagusia; irekia izan arren, leioaztarrei zuzenduta dago gehienbat. Parte hartu gura duenak pauso bi baino ez ditu egin behar: batetik, Leioa inguruan, itsasadarreko argazkia egin beharko du, edo dauzkan irudien artean bat aukeratu, eta digitalizatu. Horregaz batera, kontakturako datuen fitxategia (izena, posta elektronikoa eta telefonoa) bidali beharko du helbide honetara: leioaitsasadarretik@gmail.com. Apirilaren 30a izango da azken eguna lanak aurkezteko azken eguna.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun