Diru-laguntzen deialdi horren barruan sartzen dira 2016an egingo diren proiektuak, betiere abenduaren 30a baino lehenago amaitu badira. Kultura- eta aisialdi-taldeen artean, 22.642,66 euro banatuko ditu Udalak; kirol elkarteentzat, berriz, 67.231,80 euroko diru-partida bideratu dute agintari leioaztarrek. Bestalde, oinarrietan aipatzen denez, sortu berriak diren elkarteei 300 euroko subentzioa eman diezaieke Udalak, inskripzio-gastuetan laguntzeko. "Hurrengo urteetan, martxan jartzen dituzten ekimenen jarraipena egingo da, eta horien arabera emango dira osteko diru-laguntzak", bertoko arduradunek gaineratu dutenez. Deialditik kanpo geratuko dira, beren-beregi, ikastetxeek antolatzen dituzten eskolako ordutegitik kanpoko jarduerak eta hezkuntza-zentroenak.
Kultura, Kirol eta Aisialdi arloko diru-laguntzen deialdia zabalik da Leioan
Kultur, kirol eta aisialdi arloetako ohiko diru-laguntzen deialdia zabalik dauka Udalak; interesa duten elkarteek martxoaren 17ra arte edukiko dute eskabidea aurkezteko aukera. Horretarako, Kultur Leioara edo Sakoneta kiroldegiara jo beharko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun