Domeka honetan, martxoak 13, "The shoe tree" ikuskizuna eskainiko du Pea Green Boat konpainia kataluniarrak, Kultur Leioan. 2009an Bartzelonan sortutako txotxongilo-taldeak haur eta familientzako antzerki-ikuskizunak sortzen ditu, hainbat hizkuntzatan. Kultur Leioan ingelesez izango da ikuskizuna, goizez (12:30) eta arrastiz (18:00) eta ikuslego mugatuagaz (100 ikusle sesio bakoitzeko). Sarrerak 5 euroan egongo dira.
Pea Green Boat taldearen inspirazio-iturriak haur-literatura, material natural eta organikoak, aurkitutako gauzak… dira. Bere lanetan oinarritutako argitaratze-proiektuak ere garatzen ditu.
Leioan eskainiko duten ikuskizunari dagokionez, Timek ez du bere zapata inon aurkitzen. Bila eta bila aritzen da Gris jaunak ziur aski oso zuhaitz berezi batean aurkituko duela azaltzen dion arte. Timek agurearen argibideei jarraitzen die, eta txingoka, bidaia bati ekiten dio bere zapata galdua topatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!